गायक रुद्र शर्माले गरे अमेरिकामा अङ्ग्रेजी गीतको रेकर्ड

बाल्टिमोर -नेपाली सुगम गीतका गायक रुद्र शेखर शर्माले अमेरिकामा अङ्ग्रेजी गीतको पनि रेकर्ड गराएका छन् ।

अमेरिकन सर्जक जो आर को शब्द तथा सङ्गीतमा गायक शर्माले “टेक मि ब्याक” बोलको गीतको रेकर्ड गराएका हुन् । मंगलवार मेरिल्याण्डको बाल्टिमोर स्थित आर.एल रेकर्डिङ स्टुडियोमा गीतको रेकर्डिङ भएको हो ।

प्रेम भावको गीतले आफ्नो पुरानो प्रेम कथालाई स्मरण गरेको रुद्रले बताए । नेपाली गीतको तुलनामा स्वभावैले अङ्ग्रेजी गीत गाउनलाई गाह्रो जस्तो लागेपनी आफुले सकेसम्म राम्रो गर्ने प्रयास गरेको उनको दाबी छ । गायक शर्माले केही एल्बम र चलचित्रमा गीत गाउनुका साथै थुप्रै फुटकर गीतहरु बजारमा ल्याएका छन् ।

स्टुडियोमा गीतको रेकर्ड गरिरहेका रेकर्डिस्ट राजु लामाले रुद्र शर्मा सङ्गीत आकाशका एक सुन्दर नक्षत्र भएको बताए । अङ्ग्रेजी गीतलाई पनि उनले उत्तिकै न्याय गरेर गाएको उनको भनाइ छ ।